غزہ میں اسرائیلی فورسز کی جانب سے ظالمانہ اقدامات و کارروائیوں، زمینی وفضائی حملوں، فلسطینیوں کی نسل کشی اور انسانیت سوز و درد ناک واقعات پر مبنی فلم گولڈن گلوب ایوارڈ میں بہترین فلم کی کیٹیگری میں نامزد ہوگئی ہے۔
فلم دی وائس آف ہند رجب فلسطین کی پانچ سالہ بچی ہند رجب کی دردناک کہانی کو موضوع بناکر تیار کی گئی ہے جو Hind Rajabکے دل دہلا دینے والے آخری لمحات کی عکاسی کرتی ہے۔29 جنوری 2024 کو 5 سالہ بچی ہند رجب غزہ میں اپنے اہلخانہ کیساتھ نقل مکانی کی کوشش کررہی تھی تو اس دوران انکی گاڑی پر اسرائیلی فورسز نے حملہ کیا، بچی نے ہلال احمر کے رضاکاروں کو فون کال کرکے مدد طلب کی لیکن مدد پہنچنے سے پہلے ہی بچی شہید ہو گئی تھی۔
یہ فلم رواں سال وینس فلم فیسٹیول کا دوسرا بڑا Silver Lion prize جیوری ایوارڈ بھی جیت چکی ہے جہاں فلم کو 23 منٹ کا سٹینڈنگ اوویشن بھی ملا تھا۔
