پاکستانی اداکارہ و ماڈل نعیمہ بٹ نے سوشل میڈیا پر معروف بھارتی اداکار نوازالدین صدیقی کیساتھ گزرا ایک لمحہ شیئر کرتے ہوئے ایک تصویر پوسٹ کی جس کے کیپشن میں لکھا کہ جب ایک فنکار ایک فن پارے کی تصویر لیتا ہے۔
پوسٹ جلد ہی سوشل میڈیا پر وائرل ہوگئی اور مداحوں نے اس نایاب سرحد پار تعلق کو سراہا اور دونوں فنکاروں کی تعریف کی۔
نعیمہ بٹ نے ہٹ ڈرامہ کبھی میں کبھی تم میں اپنی شاندار اداکاری سے مداحوں کا دل جیتا جہاں انہوں نے رباب کے کردار میں جراتمندانہ اداکاری کا مظاہرہ کیا، مداحوں نے خاص طور پر ان کے منفرد فیشن سینس، پراعتماد ڈائیلاگ ڈلیوری اور خاص لہجے کی تعریف کی۔
اگرچہ نعیمہ بٹ نے حالیہ برسوں میں زیادہ میڈیا توجہ نہیں حاصل کی لیکن وہ سوشل میڈیا پر متحرک رہی جہاں وہ اکثر اپنی غیر فلٹرڈ تصاویر، بیوٹی روٹینز اور ذاتی خیالات شیئر کرتی رہتی ہیں۔
