یونان کے سب سے بڑے جزیرے کریٹ میں کسانوں کی جانب سے مظاہروں کا سلسلہ جاری ہے، یورپی یونین کی سبسڈی میں تاخیر اور جائز مطالبات کیلئے جاری مظاہروں میں مزید شدت آگئی ہے، پولیس اور مظاہرین کے درمیان شدید جھڑپیں بھی ہوئی ہیں جس میں پولیس کی گاڑیوں کو شدید نقصان پہنچایا گیا اور مظاہرین کی جانب سے توڑ پھوڑ بھی کی گئی۔
اطلاعات کے مطابق، جھڑپیں دونوں طرف سے ہوئیں جس میں مظاہرین نے پتھرا کیا اور پولیس نے آنسو گیس کا استعمال کیا، اس دوران مظاہرین نے ایک پولیس گاڑی الٹا دی جس سے علاقے میں حالات مزید کشیدہ ہو گئے اور پولیس نے مظاہرین کو گرفتار کرنا شروع کر دیا ہے۔
کسانوں کا احتجاج یورپی یونین کی سبسڈی میں تاخیر اور اپنے جائز مطالبات کے حق میں تھا۔
یونانی کسانوں کا کہنا تھا کہ جب تک ان کے مطالبات تسلیم نہیں ہوتے وہ احتجاجی مظاہرے جاری رکھیں گے۔
