بھارتی فلم انڈسٹری بالی ووڈ کے سینئر اداکار سنجے دت نے انکشاف کیا ہے کہ بابری مسجد کی شہادت کے واقعے کے بعد انکے خاندان کو شدید دباؤ اور دھمکیوں کا سامنا تھا۔
بھارتی اداکار نے 1993 کے ہولناک واقعات اور قید کے دنوں سے متعلق اہم اور حساس انکشافات کئے ہیں۔
غیر ملکی میڈیا کے مطابق ایک انٹرویو میں سنجے دت نے اپنی 5 سالہ قید، مقدمات اور اس دوران پیش آنیوالی تکالیف پر کھل کر بات کرتے ہوئے انہوں نے بتایا کہ ان پر اسلحہ رکھنے کا الزام لگایا گیا تاہم اسکا کوئی ٹھوس ثبوت کبھی پیش نہیں ہوا، میں آج بھی نہیں سمجھ پایا کہ مجھے کیوں جیل بھیج دیا گیا 25 سال بعد عدالت نے تسلیم کیا کہ میرا بم بلاسٹ کیس سے کوئی تعلق نہیں تھا۔
انہوں نے کہا کہ جیل کا وقت ان کیلئے ایک مشکل مگر سیکھنے کا دور تھا میں نے وہاں رہ کر قانون کی کتابیں پڑھیں، دعا کی اور خود کو مضبوط رکھا، مشکلات کو شکست دینے کے بجائے انہیں زندگی کا سبق سمجھا۔
