پاپ میوزک کی عالمی سٹار ٹیلر سوئفٹ اپنی شادی دھوم دھام سے کرکے یادگار بنانا چاہتی ہیں اور اس کیلئے وہ شادی سے قبل دنیا بھر میں شاہانہ اور سٹارز سے بھرپور بیچلوریٹ پارٹیز منانے کی تیاری کر رہی ہیں، تقریبات کا مقصد شادی سے پہلے کے مہینوں کو خوشگوار، پرسکون اور یادگار بنانا ہے، سوئفٹ اور انکے دوست مختلف ویک اینڈز اکٹھے گزار کر نہ صرف تفریح کریں گی بلکہ خوبصورت مقامات پر بیٹھ کر شادی کی پلاننگ بھی کریں گی۔
غیر ملکی میڈیا کے مطابق ٹیلر سوئفٹ اور انکی قریبی سہیلیاں کم از کم تین سے چار خصوصی بیچلوریٹ ٹرپس کی منصوبہ بندی میں مصروف ہیں جن کیلئے ٹیلر سوئفٹ کی پسندیدہ جگہوں کا انتخاب کیا گیا ہے جس میں نیویارک، نیشویل Nashville، اٹلی اور بہاماز Bahamas شامل ہیں۔
ان عالمی بیچلوریٹ تقریبات کی میزبانی خود ٹیلر سوئفٹ کریں گی جبکہ انکی ممکنہ برائیڈل پارٹی میں سیلینا گومز اور گی گی حدید کیساتھ ساتھ ٹریوس کیلسی کی والدہ ڈونا کیلسی بھی شامل ہیں جو بھرپور انداز میں شادی کی تیاریاں کر رہی ہیں، گزشتہ دو ہفتے سے تمام لوگ باقاعدگی سے فون کالز، میسجز، فیس ٹائم اور زوم کے ذریعے رابطے میں ہیں تاکہ ٹیلر اور ٹریوس کیلسی کی شادی کو منفرد اور یادگار بنایا جا سکے۔
