راولپنڈی کرکٹ سٹیڈیم میں جاری سہ ملکی ٹی ٹوئنٹی کرکٹ سیریز میں پاکستانی کھلاریوں نے ریکارڈ بنانے کی تاریخ رقم کردی جبکہ پاکستان کے سٹار بلے باز بابر اعظم نے بھارت کے ویرات کوہلی کا ایک ریکارڈ بھی برابر کردیا، اس سے قبل ٹی ٹوئنٹی انٹرنیشنل میں سب سے زیادہ نصف سنچریوں کا ریکارڈ ویرات کوہلی کے پاس تھا جو بابر اعظم نے سیریز کے ایک میچ میں بابر اعظم نے نصف سنچری بناکر برابر کردیا۔
بابر اعظم نے زمبابے کیخلاف میچ میں 43 گیندوں پر 4 چوکوں کی مدد سے اپنی 38ویں ٹی ٹوئنٹی نصف سنچری مکمل کی جس کیساتھ ہی وہ سب سے زیادہ نصف سنچریاں بنانے والے بیٹرز کی فہرست میں ویرات کوہلی کے برابر آگئے۔
38 نصف سنچریوں کیلئے ویرات کوہلی نے 117 اننگز کا سہارا لیا جبکہ بابر اعظم نے 127 اننگز میں یہ کارنامہ انجام دیا۔
یاد رہے کہ بابر اعظم پہلے ہی ویرات کوہلی کا سب سے زیادہ مرتبہ 50 یا اس سے زائد رنز بنانے کا ریکارڈ توڑ چکے ہیں۔
