سوشل میڈیا پر بھارتی شہریوں نے دہلی دھماکے سے متعلق فالس فلیگ آپریشن کے شبہات ظاہر کرتے ہوئے مودی حکومت کا جھوٹا بیانیہ مسترد کر دیا ہے۔
عوام نے اس امر پر بھی زور دیا کہ بغیر کسی شواہد یا تحقیقات کے ہر واقعے کا الزام پاکستان پر عائد کرنا اب ایک سیاسی حربہ بن چکا ہے جسے بھارتی عوام مسترد کر رہے ہیں۔
بھارتی شہریوں نے ایکس اور دیگر پلیٹ فارمز پر سوال اٹھائے کہ ہر بار الیکشن قریب آتے ہی دھماکے کیوں ہوتے ہیں؟، پلوامہ، اڑی، پٹھان کوٹ، پہلگام اور اب لال قلعہ یہ سب حملے بی جے پی کے دورِ حکومت میں اور انتخابات سے عین قبل ہی کیوں ہوئے؟، بہار انتخابات کے ایک اہم مرحلے سے قبل یہ دھماکا کروایا گیا ہے تاکہ ہمدردی کا ووٹ حاصل کیا جا سکے۔
کئی صارفین نے الزام عائد کیا کہ مودی سرکار سیاسی فائدے کیلئے فالس فلیگ آپریشنز کرواتی ہے تاکہ عوام کی ہمدردیاں بی جے پی کے حق میں کی جا سکیں، پہلے مرحلے کے نتائج بی جے پی کو پسند نہیں آئے تو اب دہلی میں نیا ڈرامہ رچا دیا گیا ہے۔
تجزیہ کاروں کے مطابق عوام کا یہ ردعمل اس بات کی علامت ہے کہ بھارتی شہری اب مودی سرکار کی جھوٹ پر مبنی جنگی سیاست اور میڈیا کے گمراہ کن بیانیہ سے واقف ہو چکے ہیں۔
