نئی دہلی(شِنہوا)بھارت نے پانچ سال کے وقفے کے بعد چینی مین لینڈ کے لئے براہ راست پروازیں دوبارہ شروع کر دی ہیں۔
یہ بحالی کولکتہ کے نیتاجی سُبھاش چندرا بوس بین الاقوامی ہوائی اڈے سے شروع ہوئی جو بھارت کی مشرقی ریاست مغربی بنگال کا دارالحکومت ہے جہاں سے ایک پرواز چین کے جنوبی شہر گوانگ ژو روانہ ہوئی۔
کولکتہ ہوائی اڈے کی انتظامیہ کے مطابق انڈیگو ایئرلائنز کی پرواز نمبر 6 ای 1703 پر 176 مسافر سوار تھے۔
انڈیگو کے چیف ایگزیکٹو آفیسر پیٹر ایلبرز نے رواں ماہ کے شروع میں ایک پریس ریلیز میں کہا تھا کہ ان براہ راست پروازوں کی بحالی ایک بار پھر لوگوں، سامان اور خیالات کی آسان نقل و حرکت کو ممکن بنائے گی اور دنیا کے دو سب سے زیادہ آبادی والے اور تیزی سے ترقی کرتے ہوئے ممالک کے درمیان تعلقات کو مضبوط کرے گی۔
بھارت اور چینی مین لینڈ کے درمیان براہ راست پروازیں 2020 کے اوائل تک جاری تھیں تاہم کورونا وبا کے باعث ان پروازوں کو معطل کر دیا گیا تھا۔
