اسلام آباد: پاکستان اور قطر نے سرمایہ کاری و تعاون بڑھانے پر اتفاق کیا ہے جبکہ وزیراعظم شہباز شریف نے اہم شراکت دار وبا اثر علاقائی ثالث کے طور پر قطر کے کردار کو سراہتے ہوئے کہا ہے کہ جاری بیان کے مطابق وزیراعظم شہباز شریف سے قطری وزیر تجارت و صنعت شیخ فیصل بن ثانی بن فیصل الثانی نے ملاقات کی جس میں مشترکہ عقیدے، اقدار اور باہمی احترام پر مبنی پاکستان قطر تعلقات کی مثبت سمت پر اطمینان کا اظہار کیا گیا۔
وزیراعظم نے اہم شراکت دار اور با اثر علاقائی ثالث کے طور پر قطر کے کردار کو سراہا اور توانائی، زراعت، غذائی تحفظ، انفارمیشن ٹیکنالوجی، سیاحت اور بنیادی ڈھانچے کی ترقی کو اجاگر کرتے ہوئے دوطرفہ تجارت اور سرمایہ کاری تعاون کو بڑھانے کی اہمیت پر زور دیا۔
انہوں نے پاکستان کی سرمایہ کار دوست پالیسیوں پر روشنی ڈالی اور قطری سرمایہ کاروں کو حکومت کے اسپیشل انویسٹمنٹ فیسیلیٹیشن کونسل فریم ورک کے تحت تعاون کی نئی راہیں تلاش کرنے کی دعوت دی۔
وزیراعظم نے علاقائی اور کثیرجہتی فورمز پر تعاون کو مضبوط بنانے کی پاکستان کی خواہش کا اعادہ کیا۔اس موقع پر شیخ فیصل بن ثانی بن فیصل الثانی نے قطری قیادت کی جانب سے نیک خواہشات کا اظہار کیا اور پاکستان کے ساتھ اقتصادی روابط کو مزید گہرا کرنے کے لیے قطر کے عزم کا اعادہ کیا۔
انہوں نے کہا کہ جے ایم سی کے چھٹے اجلاس نے موجودہ تعاون کا جائزہ لینے اور باہمی شراکت داری کو آگے بڑھانے کے لیے نئے اقدامات کی نشاندہی کرنے میں ایک اہم پلیٹ فارم فراہم کیا۔
دونوں رہنماں نے مشترکہ افہام و تفہیم کو ٹھوس نتائج میں تبدیل کرنے کیلئے قریبی روابط بحال رکھنے ، روابط بڑھانے اورسرمایہ کاری میں تعاون پر اتفاق کیا۔
