بیجنگ(شِنہوا)جنگلات اور چرا گاہوں کے متعلق چینی قومی انتظامیہ (این ایف جی اے) نے کہا ہے کہ چین نے حال ہی میں 22 وٹ لینڈ علاقوں کو قومی اہمیت کے حامل وٹ لینڈ مقامات کی فہرست میں شامل کر لیا ہے، جس کے بعد ان مقامات کی تعداد 80 ہو گئی ہے۔
فہرست میں نئے علاقوں کی شمولیت حالیہ برسوں میں وٹ لینڈ کو محفوظ بنانے کے حوالے سے چین کے مضبوط عزم کی عکاسی کرتی ہے، جس میں وٹ لینڈ کے تحفظ کے متعلق چین کے پہلے خصوصی قانون کا نفاذ بھی شامل ہے، جو چین کی طرف سے ماحولیاتی تحفظ کی کوششوں میں ایک سنگ میل ہے۔
اس وقت تک چین میں بین الاقوامی طور پرتسلیم شدہ 82 وٹ لینڈ مقامات اور 22 بین الاقوامی وٹ لینڈ شہر موجود ہیں۔اس کے علاوہ چین نے ملک بھر میں 10 لاکھ ہیکٹرز سے زیادہ وٹ لینڈ علاقوں کا اضافہ یا انہیں بحال کیا ہے۔
این ایف جی اے نے کہا ہے کہ مستقبل میں ماحولیاتی نظام کے معیار اور استحکام کو بڑھانے کے لئے وٹ لینڈ کی بحالی اور نگرانی کی کوششوں کو مزید فروغ دیا جائے گا۔
