عدالت نے 26 نومبر احتجاج کیس میں علیمہ خان کے وارنٹ گرفتاری جاری کرتے ہوئے گرفتار کر کے پیش کرنے کا حکم دے دیا۔
منگل کو ا ے ٹی سی راولپنڈی کے جج امجد علی شاہ نے تھانہ صادق آباد میں درج 26نومبر احتجاج کیس پر سماعت کی۔
دوران سماعت بانی پی ٹی آئی کی ہمشیرہ علیمہ خان پیش نہ ہوئی اور حاضری معافی کی درخواست دائر کی گئی جس پر عدالت نے برہمی کا اظہار کرتے ہوئے درخواست مسترد کردی۔
عدالت نے ریمارکس دیئے کہ طلبی کے باوجود بار بار پیش نہ ہونا عدالتی امور میں رکاوٹ ڈالنا ہوتا ہے۔ عدالت نے علیمہ خان کے وارنٹ گرفتاری جاری کرتے ہوئے پولیس کو بدھ کو گرفتار کر کے عدالت پیش کرنے کا حکم دیتے ہوئے سماعت ملتوی کردی۔
