تہران: ایران نے کہا ہے کہ ایران امریکہ کے ساتھ جوہری پروگرام پر مذاکرات کے لیے تیار ہیں، اپنے میزائل پروگرام پر کسی بھی قسم کی پابندی قبول نہیں کر یں گے۔سماجی رابطے کی ویب سائٹ ایکس پرایران کی اعلی قومی سلامتی کونسل کے سیکریٹری علی لاریجانی نے کہا ہے کہ امریکہ کے ساتھ مذاکرات کا راستہ بند نہیں ہوا، مگر امریکی صرف باتیں کرتے ہیں، مذاکرات کی میز پر نہیں آتے اور جھوٹا دعوی کرتے ہیں کہ ایران مذاکرات نہیں کر رہا۔
انہوں نے مزید کہا کہ امریکی ایسے مطالبات سامنے رکھتے ہیں جو ممکن ہی نہیں، مثلا میزائلوں پر پابندیاں۔ یہ طرز عمل دراصل مذاکرات کے راستے کو بند کر دیتا ہے۔
لاریجانی نیبرطانوی وزیراعظم کے قومی سلامتی کے مشیر جوناتھن پاول سے بھی ٹیلیفونک رابطہ کیا، جس میں جوہری مذاکرات کی بحالی اور میکانزم آف اسنیپ بیک کے مسئلے پر تبادلہ خیال کیا گیا۔ لاریجانی کے دفتر کے مطابق دونوں حکام نے اس بات پر اتفاق کیا کہ جوہری معاملات کو مذاکرات کے ذریعے منظم کرنے کے لیے تبادلہ خیال کا سلسلہ جاری رکھا جائے۔
