ایتھوپیا اس وقت چین کی باغبانی کی وسیع منڈی میں داخل ہونے کا خواہاں ہے۔ ایک سینئر ماہر کے مطابق اس مقصد کے لئے وہ چین کی جانب سے 53 افریقی ممالک کو دی گئی زیرو ٹیرِف پالیسی سے فائدہ اٹھا رہا ہے۔
ایتھوپین ہارٹیکلچر پروڈیوسر ایکسپورٹرز ایسوسی ایشن کے ایگزیکٹو ڈائریکٹر تیودروس زیودیے نے بتایا کہ چین کی زیرو ٹیرِف رعایتی پالیسی ایتھوپیا کی باغبانی کی مصنوعات کی برآمدات میں نمایاں اضافہ کرے گی اور اس کے مجموعی تجارتی نظام کو مضبوط بنائے گی۔
ساؤنڈ بائٹ (انگریزی): تیودروس زیودیے، ایگزیکٹو ڈائریکٹر، ایتھوپین ہارٹیکلچر پروڈیوسر ایکسپورٹرز ایسوسی ایشن
"چینی منڈی میں افریقہ سے جانے والی پیداوار کے لئے کروڑوں ممکنہ خریدار موجود ہیں۔ ایتھوپیا باغبانی کی صنعت میں ایک اہم کھلاڑی ہے جس کے ذریعے ہمیں چین میں اپنی منڈی کا دائرہ بڑھانے میں مدد ملے گی۔
خوش قسمتی سے ہمارے پاس ایتھوپین ایئر لائنز موجود ہے جو ہفتے میں 40 سے زائد پروازیں چین کی منڈی تک چلا رہی ہے۔ لاجسٹکس کا انتظام پہلے ہی موجود ہے۔ چین کی منڈی کے مواقع غیر ملکی آمدنی بڑھانے اور ملک میں دسیوں ہزار ایتھوپین شہریوں کے لئے روزگار کے قابل قبول مواقع پیدا کرنے میں مدد دیں گے۔”
ایگزیکٹو ڈائریکٹر نے بتایا کہ چین کی زیرو ٹیرِف پالیسی ایتھوپیا کو افریقن گروتھ اینڈ اپورچونٹی ایکٹ (اے جی او اے) کے تحت امریکہ کی تجارتی مراعات معطل ہونے سے مضبوط تحفظ فراہم کرے گی۔
اے جی او اے ایک ایسا غیر باہمی تجارتی معاہدہ ہے جو افریقی ممالک کی ترقی کے لئے تشکیل دیا گیا ہے۔ اس نظام کے تحت انہیں امریکی منڈی تک ترجیحی رسائی حاصل ہوتی ہے۔ سال 2000 میں اس کے نفاذ کے بعد یہ امریکہ کی افریقہ کے ساتھ اقتصادی پالیسی اور تجارتی تعلقات کا بنیادی حصہ رہا ہے اور صحارا کے جنوب میں واقع افریقی ممالک کو 1800 سے زائد مصنوعات پر ڈیوٹی فری رسائی دیتا ہے۔
بیجنگ کے ساتھ سفارتی تعلقات رکھنے والے 53 افریقی ممالک کے لئے چین کی زیرو ٹیرِف پالیسی یکم مئی 2026 سے نافذ العمل ہو گی۔توقع ہے کہ اس سے افریقی ممالک کی برآمدی مسابقت میں اضافہ ہوگا۔
شِنہوا نیوز ایجنسی کے نمائندے، ادیس ابابا سے رپورٹ
۔۔۔۔۔۔۔۔۔۔۔۔۔۔
ٹیکسٹ آن سکرین:
ایتھوپیا اپنی باغبانی مصنوعات کی چینی منڈی تک رسائی بڑھا رہا ہے
چین کی زیرو ٹیرِف پالیسی نے افریقی برآمدات کے لئے نئے مواقع پیدا کئے
ایتھوپیا بھی چینی پالیسی سے فائدہ اٹھا کر اپنی برآمدات بڑھانا چاہتا ہے
ماہرین کے مطابق چین کروڑوں صارفین پر مشتمل ایک وسیع منڈی ہے
ایتھوپیا باغبانی کی صنعت میں افریقہ کا ایک اہم اور ابھرتا کھلاڑی ہے
زیرو ٹیرِف سہولت ایتھوپیا کی برآمدات اور تجارت میں نمایاں اضافہ کرے گی
ایتھوپین ایئر لائنز کی چالیس سے زائد پروازیں ہر ہفتے چین آتی ہیں
مضبوط لاجسٹک نظام برآمدی مصنوعات کو تیزی سے چینی منڈی تک پہنچا رہا ہے
نئی تجارتی پالیسی سے ملک میں روزگار اور زرِ مبادلہ کے مواقع بڑھیں گے
چینی پالیسی سے افریقی ممالک کی عالمی منڈی میں مسابقت بڑھے گی
