بیجنگ (شِنہوا) کمیونسٹ پارٹی آف چائنہ (سی پی سی) کی مرکزی کمیٹی کے سیاسی بیورو نے جمعہ کو ایک اہم اجلاس منعقد کیا جس میں مقامی پارٹی کمیٹیوں کے امور سے متعلق نئے ضوابط پر غور کیا گیا۔
سی پی سی کی مرکزی کمیٹی کے جنرل سیکرٹری شی جن پھنگ نے اجلاس کی صدارت کی۔
اجلاس میں اس بات پر زور دیا گیا کہ مقامی پارٹی کمیٹیاں کامریڈ شی جن پھنگ کی قیادت میں سی پی سی کی مرکزی کمیٹی کے اختیار اور مرکزی و متحدہ قیادت کو مضبوطی سے قائم رکھیں۔
اجلاس میں زور دیا گیا کہ مقامی پارٹی کمیٹیوں کے لئے جہاں سی پی سی کی مرکزی کمیٹی کے فیصلوں اور انتظامات پر دیانت داری سے عملدرآمد لازم ہے، وہیں انہیں اپنے فرائض کی ادائیگی کے دوران مقامی حالات و ضروریات کو بھی مد نظر رکھنا چاہیے اور اپنے کام میں پہل اور تخلیقی صلاحیتوں کو فروغ دینا چاہیے۔
اجلاس میں اس بات پر زور دیا گیا کہ مقامی پارٹی کمیٹیاں ترقی کے حصول اور سکیورٹی کو یقینی بنانے کے لئے حقیقت پسندانہ رویہ اپنائیں اور عملی اقدامات کریں۔
اجلاس میں کہا گیا کہ مقامی پارٹی کمیٹیاں مستحکم کوششوں کے ذریعے اعلیٰ معیار کی ترقی کو فروغ دیں، عوام کی فلاح و بہبود کو بہتر بنانے پر توجہ مرکوز کریں اور قومی سلامتی اور مجموعی سماجی استحکام کے تحفظ کے لئے ہر ممکن کوشش کریں۔
اجلاس میں کہا گیا کہ مقامی پارٹی کمیٹیوں کو اپنی کارکردگی کے حوالے سے درست فہم پیدا کرنا چاہیے اور محنت کے ذریعے عوام کو فوائد پہنچانے کے عزم پر قائم رہنا چاہیے۔
اجلاس میں کہا گیا کہ فیصلہ سازی کے اصولوں کو بہتر بنایا جائے اور نگرانی کے طریقہ کار کو مضبوط کیا جائے۔
اجلاس میں دیگر اہم امور پر بھی تبادلہ خیال کیا گیا۔
