بیجنگ (شِنہوا) چین نے تائیوان کے رہنما لائی چھنگ تے کے حالیہ بیانات کی مذمت کرتے ہوئے کہا ہے کہ انہوں نے جاپان کے نوآبادیاتی دور کو درست اور قابل قبول ظاہر کرنے کی کوشش کی جو "قوم سے غداری” کے مترادف ہے۔
چین کی ریاستی کونسل کے تائیوان امور دفتر کی ترجمان ژو فینگ لیان نے یہ بات میڈیا کے ایک سوال کے جواب میں کہی۔ لائی نے حال ہی میں نام نہاد نظریے "عظیم تر مشرقی ایشیا کی مشترکہ خوشحالی کا دائرہ” کی حمایت کی، جو دوسری جنگ عظیم کے دوران جاپانی عسکری حکمرانوں نے اپنے جارحانہ اقدامات اور ایشیا میں نوآبادیاتی جرائم کو جواز دینے اور مثبت ظاہر کرنے کے لئے پیش کیا تھا۔
ان بیانات پر تائیوان میں شدید ردعمل سامنے آیا جہاں ماہرین اور دانشوروں کا کہنا ہے کہ انہوں نے ذاتی اور سیاسی مفاد کے لئے تاریخ کو مسخ کرنے اور تائیوان میں جاپان کے قتل عام اور دیگر نوآبادیاتی مظالم کو نظر انداز کیا۔
اس کے جواب میں ژو فینگ لیان نے کہا کہ جاپان کے جنگی جرائم کو چھپانا تاریخ کو مسخ کرنے اور جاپانی جارحیت کے خلاف چین کی عوامی مزاحمتی جنگ میں جانیں قربان کرنے والوں کی توہین کے مترادف ہے۔ انہوں نے لائی کے "تائیوان کی آزادی” کے خفیہ ایجنڈے کو بھی بے نقاب کیا۔
ژو فینگ لیان نے کہا کہ جاپان کا تائیوان پر حملہ اور نوآبادیاتی دور اس جزیرے کی تاریخ کا "سیاہ ترین باب” ہے۔ اس دوران جاپانی حملہ آوروں نے مقامی آبادی کو بے رحمی سے دبایا اور تائیوان کے وسائل کو لوٹا جس سے عوام کو شدید تکالیف کا سامنا کرنا پڑا اور شدید مزاحمت بھی ہوئی۔
ترجمان نے مزید کہا کہ نوآبادیاتی جرائم کو جائز قرار دینے یا ان کے فیصلے کو بدلنے کی کوئی بھی کوشش ہرگز برداشت نہیں کی جائے گی اور تائیوان کے معاملے میں کسی بھی بیرونی مداخلت کی اجازت نہیں دی جائے گی۔
