بیجنگ (شِنہوا) چین کی وزارت تجارت نے بتایا ہے کہ 2026 کے پہلے 2 ماہ کے دوران ملک کے ای کامرس شعبے میں مستحکم ترقی ریکارڈ کی گئی ہے کیونکہ ڈیجیٹل کھپت بدستور مضبوط رہی۔
وزارت تجارت نے قومی ادارہ شماریات کے اعداد و شمار کا حوالہ دیتے ہوئے کہا کہ ای کامرس کے شعبے میں صارفین کی حوصلہ افزائی کی پالیسیوں کے مسلسل اثرات کے باعث جنوری اور فروری میں اشیاء اور خدمات کی مجموعی آن لائن ریٹیل فروخت میں گزشتہ سال کے مقابلے میں 9.2 فیصد اضافہ ہوا۔
وزارت کے مطابق زیر نگرانی اہم مصنوعات میں سمارٹ مصنوعات نمایاں رہیں، جن میں سمارٹ گلاسز کی آن لائن فروخت میں 183.5 فیصد اور کھڑکیاں صاف کرنے والے روبوٹس کی فروخت میں 130.8 فیصد کا زبردست اضافہ دیکھا گیا۔
وزارت کے اعداد و شمار نے زرعی مصنوعات میں بھی مستحکم ترقی ظاہر کی جن کی آن لائن ریٹیل فروخت میں پہلے 2ماہ کے دوران 17.6 فیصد اضافہ ہوا۔
جنوری سے فروری تک بڑے ای کامرس امپورٹ پلیٹ فارمز نے عالمی مصنوعات کی فروخت میں 7.6 فیصد اضافہ ظاہر کیا۔ وزارت نے بتایا کہ آئس لینڈ کا سالمن ، تھائی لینڈ کا ڈوریان اور برازیل کا بیف مقبول ترین اشیاء میں شامل رہے۔
