بیجنگ (شِنہوا) چین اور امریکہ نے مذاکرات اور رابطوں کو مضبوط بنانے کے لئے اپنے اقتصادی اور تجارتی مشاورتی نظام کا بہتر استعمال جاری رکھنے پر اتفاق کیا ہے۔
پیرس میں حالیہ چین-امریکہ اقتصادی اور تجارتی مذاکرات سے متعلق ایک سوال کے جواب میں وزارت تجارت کی ترجمان حہ یونگ چھیان نے کہا کہ دونوں فریقوں نے باہمی دلچسپی کے امور پر مخلصانہ، تفصیلی اور تعمیری مشاورت کی جن میں محصولات کے انتظامات، دوطرفہ تجارت اور سرمایہ کاری کا فروغ اور سابقہ مشاورت سے حاصل ہونے والے موجودہ اتفاق رائے کو برقرار رکھنا شامل تھا۔
ترجمان نے ایک معمول کی پریس کانفرنس میں بتایا کہ کچھ نئے نکات پر اتفاق رائے ہوا ہے اور دونوں فریقوں نے مشاورت جاری رکھنے پر اتفاق کیا ہے۔
ترجمان نے کہا کہ دونوں فریقوں نے اقتصادی اور تجارتی تعاون کو وسعت دینے کے لئے ورکنگ میکانزم کے قیام کا جائزہ لینے، چین-امریکہ اقتصادی و تجارتی مشاورتی نظام کا بہتر استعمال جاری رکھنے، مذاکرات اور رابطوں کو مضبوط بنانے، اختلافات کو مناسب طریقے سے حل کرنے اور دوطرفہ اقتصادی و تجارتی تعلقات کی مسلسل اور مستحکم ترقی کو آگے بڑھانے کے لئے عملی تعاون کو وسعت دینے پر بھی اتفاق کیا ہے۔
