بیجنگ (شِنہوا) چینی مین لینڈ کے ایک ترجمان نے کہا ہے کہ چین ہمیشہ بیرون ملک اپنے شہریوں کی حفاظت کا خیال رکھتا ہے اور چین کے سفارتی مشنز نے مشرق وسطیٰ میں پھنسے 93 تائیوانی ہم وطنوں کو مین لینڈ کی پروازوں کے ذریعے وطن واپس پہنچانے میں مدد دی۔
ریاستی کونسل کے تائیوان امور دفتر کے ترجمان چھن بن ہوا نے معمول کی ایک پریس بریفنگ میں کہا کہ استنبول میں چینی قونصل خانے نے مشرق وسطیٰ میں پھنسے تائیوانی ہم وطنوں کو مین لینڈ کی پروازوں تک منتقلی میں مدد دی اور انہیں شنگھائی کے راستے تائیوان واپس بھیجا۔
چھن بن ہوا نے مزید کہا کہ اسرائیل میں چینی سفارت خانے اور دبئی میں چینی قونصل خانے نے بھی متعدد تائیوانی افراد کی مدد کی تاکہ وہ چین کے قونصلر امور ایپ اور ہاٹ لائنز کے ذریعے رابطہ کرنے کے بعد تائیوان واپس جا سکیں یا محفوظ مقامات پر منتقل ہو سکیں۔
مین لینڈ کی طرف سے تائیوانی باشندوں کی دیکھ بھال اور تحفظ کے خلاف تائیوان کی ڈیموکریٹک پروگریسو پارٹی کے بار بار کئے جانے والے حملوں اور الزامات کے جواب میں چھن نے ان اقدامات کو "شرمناک” قرار دیا۔ا
