بیجنگ (شِنہوا) چین-یورپ ریلوے ایکسپریس نے رواں سال کے پہلے دو ماہ کے دوران مال برادری کے 3 ہزار 501 دورے نمٹائے، اس دوران 3 لاکھ 52 ہزار بیس فٹ مساوی یونٹس کے سامان کی ترسیل کی گئی، یہ شرح گزشتہ سال کے مقابلے میں بالترتیب 32 فیصد اور 25 فیصد زیادہ ہے۔
چائنہ سٹیٹ ریلوے گروپ کارپوریشن لمیٹڈ کے جاری کردہ اعداد وشمار کے مطابق سال 2026 شروع ہونے کے بعد سے ریلوے نے چین-یورپ مال بردار ٹرین سروس کے آپریشن اور ہم آہنگی کو مستحکم کیا ہے، مارکیٹ کی طلب کے مطابق بہتر طور پر خدمات سر انجام دینے کے لئے شیڈولنگ کو بہتر بنایا گیا ہے۔
کسٹمز حکام کے ساتھ قریبی تعاون کے ذریعے ڈیجیٹل پورٹ نظام کو بھی بہتر بنایا گیا ہے، ریلوے پورٹ کسٹمز کلیئرنس کی کارکردگی میں مسلسل اضافہ کیا جا رہا ہے۔
کمپنی نے مزید کہا کہ وہ مستقبل میں اعلیٰ کارکردگی کے حامل ٹرانسپورٹ نظام، محفوظ انتظامی طریقہ کار، ایک متنوع راہداری نیٹ ورک اور چین-یورپ ریلوے ایکسپریس کے لئے اختراع پر مبنی ترقیاتی طریقہ کار کے قیام کی کوششیں تیز کرے گی۔
کمپنی کا مزید کہنا ہے کہ ٹرین آپریشنز کے معیار اور کارکردگی کو بہتر بنانے کی کوششیں جاری رہیں گی، جن کا مقصد مقامی اور غیرملکی صارفین کے لئے محفوظ، اعلیٰ معیار اور موثر بین الاقوامی لاجسٹکس خدمات فراہم کرنا ہے۔
