کراکس (شِنہوا) وینزویلا کی قائم مقام صدر ڈیلسی روڈریگیز نے کہا ہے کہ گزشتہ ہفتے امریکی حملے اور اس کے بعد صدر نکولس مادورو کی گرفتاری کے باوجود ان کا ملک امریکہ کے ’’زیر نگیں‘‘ نہیں آیا۔
روڈریگیز نے کہا کہ فوجی کارروائی کے باوجود وینزویلا خودمختار اور آزاد ہے اور حملوں کے دوران کسی قسم کی بے عملی نہیں دکھائی گئی۔
روڈریگیز نے کہا کہ یہاں کسی نے ہتھیار نہیں ڈالے۔ یہاں لڑائی ہوئی، اپنے وطن کے لئے اور اپنے آزادی دلانے والوں کے لئے لڑائی ہوئی۔
روڈریگیز نے کراکس میں نیشنل گارڈ ملٹری اکیڈمی میں تقریب میں شرکت کی جہاں 3 جنوری کے حملے میں ہلاک یا زخمی ہونے والے فوجیوں اور شہریوں کو خراج عقیدت پیش کیا گیا۔
