پی ٹی سی ایل نے یو مائیکرو فنانس بینک لمیٹڈ میں 15 ارب روپے سرمایہ کاری کی منظوری دیدی۔
چیئرمین یو مائیکرو فنانس بینک و سی ای او پی ٹی سی ایل گروپ حاتم باماتراف نے کہا کہ یہ سرمایہ کاری یو بینک کی ڈیجیٹل تبدیلی کی حکمت عملی پر گروپ کے اعتماد اور مائیکروفنانس بینکنگ کے نظام کو مزید مضبوط بنانے کی صلاحیت کی عکاس ہے۔
انہوں نے کہا کہ سرمایہ کاری کا مقصد یو بینک کی مسلسل اور پائیدار ترقی کو سہارا دینا اور ڈیجیٹل بینکنگ پلیٹ فارم کی ترقی کو ممکن بنانا ہے تاکہ صارفین تک رسائی اور خدمات کی فراہمی کو مزید موثر بنایا جاسکے۔ یو مائیکرو فنانس بینک کے صدر وسی ای او طوران آصف نے پی ٹی سی ایل گروپ اور سٹیٹ بینک کی مسلسل معاونت و رہنمائی پر اظہار تشکر کرتے ہوئے کہا ہے کہ یہ سرمایہ کاری نہایت اہم مرحلے پر کی گئی ہے، جب بینک 2026ء میں اپنی ڈیجیٹل ٹرانسفارمیشن کے اگلے مرحلے میں داخل ہونے کی تیاری کر رہا ہے۔
انہوں نے کہا کہ بینک ٹرانسفارمیشن کی حکمت عملی جدت، اور نئی مصنوعات و خدمات کے اجرا پر مرکوز ہے جن کا مقصد ملک بھر میں لاکھوں صارفین کیلئے مالیاتی خدمات تک رسائی کو وسعت دینا ہے۔
واضح رہے کہ یو بینک کو 4ارب روپے کی پہلی قسط 31دسمبر 2025ء کو موصول ہو چکی ہے۔
