انگلینڈ کے سٹار فٹبالر ڈیوڈ بیکہم نے اپنے بیٹے بروکلن کیساتھ جاری اختلافات ختم کرتے ہوئے محبت کا اظہار کردیا ہے، ڈیوڈ بیکہم کے طویل عرصے سے اپنے بیٹے کیساتھ اختلافات چلے آرہے تھے لیکن نئے سال کے آغاز پر انہوں نے نفرت کو محبت میں بدلتے ہوئے اپنے بیٹے سے صلح کرنے کا اعلان کردیا۔
سوشل میڈیا پر شیئر کی گئی پوسٹ میں سٹار فٹبالر نے خاندان اور قریبی دوستوں کی تصاویر شیئر کیں تاہم انکے بیٹے بروکلن تصاویر میں دکھائی نہیں دئیے جنہوں نے اپنے والدین کو اختلافات کے باعث سوشل میڈیا پر بلاک کر کھا ہے، بعد ازاں، ڈیوڈ بیکہم نے ایک اور پوسٹ میں بچوں کیساتھ الگ الگ تصاویر شیئر کرتے ہوئے یہ ممکن بنایا کہ انکی اس خوشی میں کسی کو نظرانداز نہ کیا جائے۔
اپنی پوسٹ میں انہوں نے ایک جذباتی کیپشن میں خاندان سے محبت کا اظہار کرتے ہوئے لکھا میں تم سب سے بے حد محبت کرتا ہوں۔
