بھارتی کرکٹر اور ستار بیٹسمین گوتم گمبھیر کو ٹیسٹ فارمیٹ میں بھارتی کرکٹ ٹیم کی کوچنگ سے الگ کرنے کی منصوبہ بندی شروع ہوگئی ہے۔
غیر ملکی میڈیا کے مطابق بھارتی کرکٹ بورڈ کی منصوبہ بندی کے تحت گوتم گمبھیر سے ٹیسٹ ٹیم کی کوچنگ واپس لے لی جائیگی، بھارتی بورڈ نے وی وی ایس لکشمن سے ٹیسٹ کی کوچنگ کیلئے بات چیت شروع کر دی ہے اور انکو ریڈ بال کرکٹ کی کوچنگ سونپے جانے کا امکان ہے، ٹیسٹ میں کارکردگی اچھی نہ ہونے کی وجہ سے کوچ تبدیل کرنے کی باتیں کی جانے لگیں۔
دوسری جانب بھارتی کرکٹ بورڈ کے سربراہ راجیو شکلا نے کہا ہے کہ گوتم گمبھیر کے حوالے سے صرف افواہیں ہیں، کوچ کو ہٹانے کیلئے بی سی سی آئی میں کوئی بات نہیں ہوئی، کسی دوسرے کو کوچ لانے کی باتیں نہیں ہو رہیں، ایسی افواہوں کو بڑھانا نہیں چاہیے۔
