جنوبی میکسیکو میں ہونیوالے ٹرین حادثہ میں 13 افراد ہلاک اور 98 زخمی ہوگئے ہیں۔
میکسیکو کی بحریہ کے مطابق اوکساکا اور ویراکروز کی ریاستوں کو جوڑنے والی ٹرین نِزاندا کے علاقے میں ایک موڑ سے گزرنے کے دوران حادثے کا شکار ہوکر پٹری سے اتر گئی۔
غیر ملکی میڈیا کے مطابق ٹرین میں عملے کے 9 ارکان سمیت 250 افراد سوار تھے، ذرائع کے مطابق 139 افراد کی حالت خطرے سے باہر ہے جبکہ 98 زخمیوں میں سے 36 افراد ہسپتال میں زیر علاج ہیں۔
میکسیکو کی صدر کلاڈیا شین بام نے سماجی رابطے کی ویب سائٹ ایکس پر اپنے بیان میں کہا ہے کہ زخمیوں میں کم از کم 5 افراد کی حالت تشویشناک ہے۔
