حکومت پنجاب نے منشیات فروشوں کیخلاف سی سی ڈی کے حالیہ تاریخی آپریشن کی کامیابی کے بعد ایک اور فیصلہ کیا ہے جس کے تحت آن لائن اور الیکٹرانک ڈیوائسز کے ذریعے لوگوں کو لوٹنے والوں کیخلاف کاروائی کا اختیار بھی سی سی ڈی کو تفویض کیا جا رہا ہے۔
ذرائع کے مطابق حکومت آن لائن اور الیکٹرانک ڈیوائسز کے ذریعے معصوم شہریوں کو لوٹنے کی وارداتوں میں بے تحاشا اضافہ کے پیش نظر سی سی ڈی کو منظم گروہوں کیخلاف کاروائی کا ٹاسک سونپ رہی ہے۔
ان منظم گروپوں کی وجہ سے معصوم شہری آن لائن وارداتوں کے ذریعے زندگی بھر کی کمائی سے محروم ہو جاتے ہیں اور تنخواہ دار و کاروباری طبقہ بھی انکا آسانی سے نشانہ بن رہے ہیں، ملزمان بینظیر انکم سپورٹ حاصل کرنیوالوں کو بھی لوٹ لیتے ہیں، یہ لوگ شارٹ ٹرم اغوا برائے تاوان کی کاروائیاں بھی کرتے ہیں مگر ان کیخلاف مقدمات کا اندراج بھی نہیں ہوتا۔
ذرائع کے مطابق اب سی سی ڈی عوام کی جمع پونجی لوٹنے والے ان ملزمان کیخلاف بھرپور ایکشن کریگی۔
