نوم پنہ(شِنہوا)کمبوڈیا میں 2025 کے پہلے 11 ماہ کے دوران چینی سیاحوں کی مجموعی تعداد 11 لاکھ رہی جو گزشتہ سال کے مقابلے میں 43.5 فیصد زیادہ ہے۔
وزارت سیاحت کی رپورٹ کے مطابق اس سال جنوری سے نومبر کے دوران کمبوڈیا میں آنے والے غیرملکی سیاحوں کی مجموعی تعداد 51 لاکھ 70 ہزار رہی جن میں 21 فیصد چینی سیاح تھے۔
رپورٹ میں مزید بتایا گیا کہ ویتنام کے بعد چین جنوب مشرقی ایشیا کے اس ملک کے لئے غیر ملکی سیاحوں کا دوسرا بڑا ذریعہ رہا۔
پیسیفک ایشیا ٹریول ایسوسی ایشن کے کمبوڈیا شاخ کے چیئرمین تھورن سینان نے کہا کہ یہ اضافہ کمبوڈیا کی سیاحتی کشش میں چینی سیاحوں کی مضبوط اور بڑھتی ہوئی دلچسپی کو ظاہر کرتا ہے۔
انہوں نے شِنہوا کو بتایا کہ چین میں ابھرتا ہوا متوسط طبقہ، ہدف پر مبنی مارکیٹنگ اور فضائی راستوں میں توسیع مل کر چینی سیاحوں کی آمد میں مزید اضافہ کریں گے۔
سیاحت کمبوڈیا کی معیشت کو سہارا دینے والے اہم ستونوں میں سے ایک ہے۔
