عدالت نے 9 مئی و دیگر 5 مقدمات میں عمران خان اور بشری بی بی کی ضمانت میں 27 جنوری تک توسیع کرتے ہوئے گرفتاری روک دی۔
منگل کو ڈسٹرکٹ اینڈ سیشن کورٹس اسلام آباد میں ایڈیشنل ڈسٹرکٹ اینڈ سیشن جج محمد افضل مجوکہ نے بانی چیئرمین پی ٹی آئی کیخلاف 9 مئی و دیگر 5 کیسز پر سماعت کی۔
عدالت نے 27 جنوری تک متعلقہ مقدمات میں عمران خان اور اہلیہ بشری بی بی کی عبوری ضمانت میں توسیع کرتے ہوئے گرفتاری روک دی۔
عدالت نے آئندہ سماعت پر عمران خان کو عدالت یا بذریعہ ویڈیو لنک پیش کرنے کی ہدایت کرتے ہوئے سماعت ملتوی کردی ۔
