پچھلی حکومتیں ڈنڈے کے زور پر معیشت کو چلانا چاہتی تھیں، بلاول بھٹو زرداری

چیئرمین پیپلزپارٹی بلاول بھٹو زرداری نے کہا ہے کہ تاجروں کے مسائل کے حل کیلئے کردار ادا کرتے رہیں گے کیونکہ تاجر برداری معیشت کی بہتری میں بہت اہم کردار ادا کرتی ہے، لاہور میں صنعتکاروں اور تاجروں سے خطاب میں بلاول بھٹو نے کہا پاکستان کیلئے بہت فخر کی بات ہے کہ چین جیسے ممالک ہمارے ساتھ کام کر رہے ہیں، ہمیں سوچنا ہے کہ چین کیساتھ ہم کیسے اپنے نمبر کو اوپر لے کر جاسکتے ہیں۔

پاکستان کی برآمدات میں نمایاں اضافہ ہو رہا ہے، تاجر برآمدات بڑھانے کی کوشش کریں، پچھلی حکومتیں ڈنڈے کے زور پر معیشت کو چلانا چاہتی تھیں، میں سمجھتا ہوں کہ معیشت کو پیار سے چلانا چاہئے، وفاق کا ایف بی آر کا ریکارڈ سب کے سامنے ہے، ایف بی آر میں ڈیجیٹلائزیشن کا سسٹم انتہائی اہمیت کا حامل ہے۔

بلاول بھٹو زرداری نے کہا کہ وزیراعظم اور انکی ٹیم معیشت کو مضبوط بنانے کیلئے کوشاں ہیں، وفاقی حکومت کی مشکلات کو دور کرنا کسی ایک صوبے کا کام نہیں، سب کو ملکر وفاقی حکومت کیساتھ کھڑا ہونا چاہئے، سندھ کی پرفارمنس باقی صوبوں کے مقابلے کافی بہتر رہی ہے، 18ویں ترمیم کے بعد سیلز ٹیکس آن سروسز صوبوں نے اکٹھا کیا جس سے ریونیو بہتر ہوا ہے، میری پارٹی کا منشور تھا کہ 2 سو یونٹس بجلی غریب آدمی کو دینی تھی، ہم مفت بجلی یونٹ کو سولر میں تبدیل کرکے دے سکتے ہیں، ہم ایک دم سے تو نہیں کر سکتے ہیں، اس کا گرین سلوشن نکالیں گے، بجلی کی مشکلات کو ضرور کم کریں گے۔

chinaurdu

Website |  + postsBio

• chinaurdu

  اسلام آباد کچہری کے باہر خوارج کا خود کش دھماکہ،12افراد شہید
• chinaurdu

  قومی اسمبلی، پی ٹی آئی نے باکو27ویں آئینی ترمیم مسترد کردی
• chinaurdu

  دہلی دھماکہ، عینی شاہد کے بیان نے پاکستان کیخلاف بھارتی سازش کا پردہ چاک کردیا
• chinaurdu

  روس کے یوکرین پر درجنوں میزائل اور ڈرون حملے، توانائی نظام تباہ، 6 افراد ہلاک