امریکہ نے اعلان کیا ہے کہ کوئی بھی فرد جو قومی سلامتی کو خطرہ پہنچائے اسے معاف نہیں کیا جائیگا اور ملک بدر کیا جائیگا۔
ترجمان وائٹ ہاس کیرولین لیویٹ نے میڈیا سے گفتگو کرتے ہوئے گزشتہ ہفتے واشنگٹن ڈی سی میں افغان شہری کے دہشتگرد حملے کا حوالہ دیا اور کہا کہ بائیڈن انتظامیہ اس غیر ملکی دہشتگرد کی درست جانچ میں ناکام رہی، صدر ٹرمپ افغانستان سے آنیوالوں کی درخواستوں کا جائزہ لے رہے ہیں، اب بڑے پیمانے پر لوگوں کو ملک سے نکالنا پہلے سے زیادہ ضروری ہے، صدر ٹرمپ نے اقتدار میں آکر ملکی سرحد کو محفوظ بنایا، افغانستان سمیت 19 ممالک پر سفری پابندیاں عائد کیں۔
انہوں نے کہا کہ صدر کے اقدامات سے غیر قانونی امیگریشن میں تاریخی کمی ہوئی۔
