وزیراعلی خیبرپختونخوا سہیل آفریدی نے پشاور میں فرنٹیئر کانسٹیبلری ہیڈکوارٹرز پر دہشت گردوں کے حملے کی شدید مذمت کرتے ہوئے کہا ہے کہ شہداء ہمارا فخر ہیں، خون ہرگز رائیگاں نہیں جائیگا، ملوث عناصر کو کیفر کردار تک پہنچائینگے۔
جاری بیان میں سہیل آفریدی نے شہداء کو خراج عقیدت پیش کرتے ہوئے کہا کہ کہ جوانوں نے بہادری سے بڑی تباہی سے بچا لیا، دہشت گردوں کا کوئی مذہب نہیں، اس قسم کے بزدلانہ حملے ہمارے حوصلے پست نہیں کر سکتے، شہدا ہمارا فخر ہیں، ان کا خون ہرگز رائیگاں نہیں جانے دیں گے، ملوث عناصر کو کیفر کردار تک پہنچایا جائے گا۔
انہوں نے کہا کہ دہشت گردی کیخلاف جنگ مزید مضبوط عزم کے ساتھ جاری رہے گی، قیامِ امن اور دہشتگردی کے خاتمے کیلئے تمام وسائل بروئے کار لائے جائیں گے، صوبائی حکومت پولیس اور قانون نافذ کرنے والے اداروں کے ساتھ کھڑی ہے۔
وزیراعلی نے شہید اہلکاروں کے ایصال ثواب اور لواحقین کے لئے صبر جمیل کی دعاء کرتے ہوئے آئی جی پولیس خیبر پختونخوا سے واقعے کی رپورٹ فوری طلب کرلی جبکہ زخمیوں کو بہترین طبی سہولیات فراہم کرنے کی ہدایت کی۔
