بھارتی میڈیا نے نئی دہلی دھماکے پر حکومت اور سیکیورٹی اداروں کی کارکردگی پر کھل کر تنقید کی ہے جس سے بی جے پی حکومت مشکل میں پڑ گئی ہے جبکہ مبصرین کے مطابق یہ واقعہ بھارتی میڈیا کے فالس فلیگ بیانیے کی سب سے بڑی شکست ہے۔
معروف اینکر ارنب گوسوامی نے ایک ٹی وی کے لائیو پروگرام میں نے کہا کہ اگر دہلی پولیس اور انٹیلیجنس ادارے بروقت حرکت میں آ جاتے تو یہ سانحہ روکا جا سکتا تھا۔
الفلاح یونیورسٹی سے صبح 7:40 پر نکلنے والی گاڑی کس طرح 60 کلومیٹر طے کر کے لال قلعہ پہنچی، کسی نے دیکھی کیوں نہیں؟ جب دہلی میں جگہ جگہ سی سی ٹی وی کیمرے نصب ہیں تو پھر دھماکے میں استعمال ہونیوالی گاڑی کیسے کسی چیک پوسٹ یا ناکے پر روکی نہیں گئی؟۔
ارنب نے الفلاح یونیورسٹی انتظامیہ پر بھی سخت سوال اٹھاتے ہوئے کہا کہ کیا اس ادارے میں سہولت کار سرگرم ہیں؟ لائیو شو میں موجود حکومتی ترجمان ان سوالات کا جواب دینے سے قاصر رہے۔
ارنب کے ان بیانات پر سوشل میڈیا پر ہلچل مچ گئی اور بھارتی عوام نے انکے کلپس وائرل کر دئیے۔
دوسری جانب دفاعی ماہرین نے یہ سوال بھی اٹھایا کہ ارنب گوسوامی کو یہ کیسے علم تھا کہ دہلی پولیس کو مخصوص گاڑی روکنی چاہئے تھی؟ کیا وہ پہلے سے فالس فلیگ آپریشن سے واقف تھے؟۔
انکا کہنا ہے کہ ارنب گوسوامی جو ہمیشہ ریاستی بیانیے کی تائید کرتے تھے اب خود حکومت کی انٹیلیجنس ناکامی تسلیم کرنے پر مجبور نظر آ رہے ہیں۔
