افغانستان کے علاقے خلم میں لوگ زلزلے سے تباہ ہونےوالے گھروں کا ملبہ ہٹا رہے ہیں۔(شِنہوا)
بیجنگ(شِنہوا)چین کی وزارت خارجہ کی ترجمان نے کہا ہے کہ شمالی افغانستان میں 6.3 شدت کے زلزلے سے کم از کم 24 افراد کی ہلاکت کے بعد چین افغانستان کی ضروریات کے پیش نظر مدد فراہم کرنے کے لئے تیار ہے۔
ترجمان ماؤ ننگ نے یومیہ نیوز بریفنگ کے دوران کہا کہ چین افغانستان میں آنے والی اس آفت پر نظر رکھے ہوئے ہے اور زلزلے میں انسانی جانوں کے ضیاع پر گہرے رنج کا اظہار کرتا ہے۔
ماؤ نے کہا کہ ہماری ہمدردیاں سوگوار خاندانوں اور زخمیوں کے ساتھ ہیں۔ ہمیں یقین ہے کہ افغان حکومت کی قیادت میں افغان عوام اس آفت سے جلد بحالی حاصل کریں گے اور اپنے علاقوں کی تعمیر نو کریں گے۔
