عدالت نے عمران خان و اہلیہ بشری بی بی کی 9 مئی سمیت دیگر 5 مقدمات میں عبوری ضمانتوں میں 25 نومبر تک توسیع کردی۔
منگل کو ڈسٹرکٹ اینڈ سیشن کورٹس اسلام آباد میں ایڈیشنل ڈسٹرکٹ اینڈ سیشن جج محمد افضل مجوکہ نے بانی پی ٹی آئی اور بشری بی بی کیخلاف 9مئی و دیگر 5 مقدمات پر سماعت کی۔
ملزمان کی جانب سے شمسہ کیانی ایڈووکیٹ عدالت میں پیش ہوئیں۔اڈیالہ جیل حکام کی جانب سے شوکاز نوٹس کا جواب جمع نہیں کروایا گیا۔
عدالت نے آئندہ سماعت پر بانی پی ٹی آئی کو عدالت میں یا بذریعہ ویڈیو لنک پیش کرنے کا حکم دیا اور ملزمان کی عبوری ضمانتوں میں 25 نومبر تک توسیع کرتے ہوئے سماعت ملتوی کردی۔
