رالپنڈی: جنوبی افریقی ٹیسٹ ٹیم کے کپتان ایڈن مارکرم نے کہا ہے کہ تمام کھلاڑی بہترین کارکردگی دکھانے کے لیے پرجوش ہیں، نعمان علی اور ساجد خان کا چیلنج ہمیں پنڈی میں بھی درپیش ہوگا۔
راولپنڈی میں دوسرے ٹیسٹ میچ سے ایک روز قبل پریس کانفرنس میں جنوبی افریقی کپتان نے کہا کہ ہم نے پچ کا معائنہ کیا ہے، ان کنڈیشنر میں کھیلنا ہمیشہ چیلنجنگ ہوتا ہے، نعمان علی اور ساجد خان کے حوالے سے ٹیم میٹنگ میں گفتگو ہوئی ہے، انہیں کھیلنے سے متعلق پلان بنالیا ہے، امید ہے شائقین کرکٹ کو بہترین کرکٹ دیکھنے کو ملے گی۔
ایڈن مارکرم نے کہا کہ یہاں بھرپور ٹریننگ کی ہے، ہمارے لیے بہت ضروری ہے کہ ہم سیریز میں کم بیک کرتے ہوئے سیریز برابر کریں۔
جنوبی افریقی کپتان نے کہا کہ پچھلے میچ میں ٹونی ڈی زورزی نے بہترین بیٹنگ کی۔
