سیکیورٹی فورسز نے مغل کوٹ سیکٹر بنوں میں کارروائی کے دوران 2 خوارج جہنم رسید کردیئے۔
سیکیورٹی ذرائع کے مطابق کامیاب انٹیلی جنس بیسڈ آپریشن میں فتنہ الخوارج کے طارق کچھی گروپ کی تشکیل کو موثر انداز میں نشانہ بنایا گیا، ہلاک دہشت گردوں کی شناخت طارق کچھی اور حکیم اللہ عرف ٹائیگر کے ناموں سے ہوئی ہے، ہلاک دہشت گردوں سے بھاری اسلحہ برآمد ہوا ہے۔
سیکیورٹی ذرائع کے مطابق خارجی طارق کچھی کی تشکیل پچھلے 2 سال سے دہشت گردانہ کارروائیوں میں متحرک اور بھتہ خوری میں ملوث تھی۔
حکام کے مطابق ہلاک خوارج طارق کھچی دہشت گردوں کی افغانستان سے پاکستان میں دراندازی کیلئے سہولت کار بھی تھا۔
