غزہ: فلسطینی تنظیم حماس نے کہا ہے کہ ہم غزہ معاہدے پر مکمل عمل درآمد کے لیے سنجیدہ ہیں، اسرائیلی قیدیوں کی لاشوں کو جن سرنگوں میں دفن کیا تھا انہیں اسرائیل نے تباہ کر دیا، ہم باقی تمام اسرائیلی قیدیوں کی لاشیں حوالے کرنا چاہتے ہیں۔
غیر ملکی میڈیا کے مطابق اپنے ایک بیان میں انہوں نے کہا کہ کچھ اسرائیلی قیدیوں کی لاشیںدیگر ملبے تلے دبے ہوئی ہیں ، انہیں نکالنے میں وقت لگے گا۔
حماس نے کہا کہ جن قیدیوں کو اسرائیلی فوج نے قتل کیا، وہی فوج ان کے ملبے تلے دبنے کی بھی ذمہ دار ہے، لاشوں کی حوالگی میں کسی بھی تاخیر کی مکمل ذمے داری نیتن یاہو کی حکومت پر عائد ہوتی ہے، جو اس مقصد کے لیے درکار وسائل کی فراہمی میں رکاوٹ ڈال رہی ہے۔
انہوں نے کہا کہ ملبہ ہٹانے کے لیے جن آلات کی ضرورت ہے وہ اس وقت دستیاب نہیں، کیونکہ اسرائیل نے اس نوعیت کے آلات کے داخلے پر پابندی لگا رکھی ہے۔
