کراچی: ستمبر 2025ء کے دوران ملکی ترسیلات زرمیں11.3فیصد اضافہ ہوگیا۔ اسٹیٹ بینک سے جاری اعداد و شمار کے مطابق مالی سال 2025-26ء کی پہلی سہ ماہی میں بیرون ملک مقیم پاکستانیوں نے مجموعی طور پر 9.5ارب ڈالر وطن بھیجے جو گزشتہ مالی سال کی اسی مدت میں موصول ہونیوالی 8.8ارب ڈالر ترسیلات کے مقابلے میں 8.4فیصد زائد ہیں۔
اعدادوشمار کے مطابق ستمبر کے مہینے میں موصول ہونے والی 3.2ارب ڈالر کی ترسیلات زر میں سب سے بڑا حصہ سعودی عرب سے آیا، جہاں سے 750.9ملین ڈالر موصول ہوئے، متحدہ عرب امارات سے 677.1ملین ڈالر، برطانیہ سے 454.8ملین ڈالر اور امریکہ سے 269ملین ڈالر موصول ہوئے۔
سٹیٹ بینک کے مطابق ترسیلات زر میں مسلسل اضافہ بیرون ملک پاکستانیوں کے اعتماد اور باضابطہ مالیاتی ذرائع کے استعمال میں اضافے کا عکاس ہے۔
