کھٹمنڈو: نیپالی حکومت کی جانب سے ماونٹ ایورسٹ سمیت تمام 8 ہزار میٹر سے بلند پہاڑوں کو اکیلے سر کرنے پر عائد پابندی نافذ العمل ہوگئی ہے۔
غیر ملکی میڈیا کے مطابق نیپالی حکومت نے کوہ پیمائی کے ضابطے میں رواں سال کے آغاز میں چند تبدیلیاں کی تھی۔ اس چھٹی ترمیم کے تحت 8 ہزار میٹر سے زائد بلند چوٹیوں پر چڑھائی کے لیے ضروری ہے کہ کوہ پیمائی ٹیم کم از کم 2 ارکان پر مشتمل ہو اور ان کے ساتھ ایک گائیڈ کا ہونا ضروری ہے۔
رواں سال کے آغاز میں اختیار کی گئی تبدیلیوں کے بعد غیر ملکی کوہ پیماوں کے لیے رائلٹی فیس میں بھی اضافہ کردیا گیا ہے۔
غیر ملکی میڈیا رپورٹس کے مطابق 8 ہزار میٹر سے بلند تمام چوٹیوں پر اکیلے مہمات اور پیدل سفر کرنے سے متعلق نیا ضابطہ باضبطہ طور پر یکم ستمبر سے نافذ العمل ہو گیا ہے۔
