اسلام آباد:وزیراعظم شہباز شریف نے پاک امریکہ تجارتی معاہدہ طے پانے پر امریکی صدر ڈونلڈ ٹرمپ سے اظہار تشکر کیا ہے۔ جاری بیان میں وزیراعظم نے کہا کہ یہ معاہدہ گزشتہ رات واشنگٹن میں دونوں ممالک کے درمیان کامیابی سے طے پایا جو دونوں ممالک کے باہمی تعلقات میں ایک اہم سنگ میل کی حیثیت رکھتا ہے۔
انہوں نے کہا کہ امریکہ اور پاکستان کے درمیان تاریخی تجارتی معاہدے کی تکمیل میں ڈونلڈ ٹرمپ نے قائدانہ کردار ادا کیا۔انہوں نے کہا کہ یہ معاہدہ نہ صرف پاکستان اور امریکہ کے درمیان بڑھتی ہوئی شراکت داری کو مزید مستحکم کرے گا بلکہ آنے والے دنوں میں ہمارے دیرینہ تعلقات کو نئی وسعت بھی دے گا۔
