لندن: ٹون برج میں پریکٹس کے دوران پاکستان شاہینز کے اسکواڈ میں شامل اسپنر ساجد خان کے دائیں انگوٹھے میں فریکچر ہو گیا جس کے باعث وہ دورہ انگلینڈ سے باہر ہو گئے۔ ساجد خان پہلی دستیاب پرواز سے وطن واپس لوٹیں گے جبکہ ٹیم مینجمنٹ نے متبادل کھلاڑی نہیں مانگا۔
پاکستان شاہینز کے اسکواڈ میں علی زریاب، اذان اویس، فیصل اکرم، حیدر علی، معاذ صداقت، مہران ممتاز، میر حمزہ، محمد سلمان، مبصر خان، موسی خان، مشتاق احمد، عمیر بن یوسف، وکٹ کیپر روحیل نذیر، شاہد عزیز، شامل حسین اور عبید شاہ شامل ہیں۔ پاکستان شاہینز ٹیم دورہ انگلینڈ میں 2 تین روزہ اور 3 ون ڈے میچز کھیلے گی۔
