اسلام آباد: وزارت تجارت کے حکام نے کہا ہے کہ وزیر اعظم کو جیولری کی برآمد کی بحالی کیلئے سمری بھجوا دی ہے، وزیراعظم کی منظوری کے بعد معاملہ منظوری کے لیے وفاقی کابینہ میں بھیجا جائے گا،سونے کی جیولری کی برآمد پر عائد پابندی ختم ہو چکی ہے۔
ان خیالات اکا اظہار انہوں نے چئیرمین جاوید حنیف کی زیر صدارت قومی اسمبلی کی قائمہ کمیٹی برائے تجارت کے اجلاس میں کیا ۔ کمیٹی میں سونے کی جیولری کی ایکسپورٹ پر پابندی کے معاملہ پر نمائندہ جیولری سیکٹر نے کہا کہ سونے کی جیولری کی برآمد پر مئی میں پابندی عائد کی گئی تھی، ایف بی آر کے ایس آر او کے تحت پابندی 30 جون تک کیلئے تھی،ہماری درخواست ہے کہ جیولری کی برآمدات پر پابندی ختم کی جائے۔
