پشاور: امیر جماعت اسلامی حافظ نعیم الرحمان نے کہا ہے کہ وزیراعلی خیبرپختونخوا ہوش کے ناخن لیں، صوبہ تباہی کی طرف جارہا ہے، مفادات کے لیے سب ایک ہو جاتے ہیں، تعلیم اور عوام کے لیے نہیں ہوتے، یہ صوبہ اسکولوں کو بھی آوٹ سورس کرنے جا رہا ہے، خیبرپختونخوا میں جامعات مالی خسارے سے دوچار ہیں۔
پشاور میں تقریب سے خطاب میں حافظ نعیم الرحمان نے کہا کہ 70 فیصد بچوں کو معیاری تعلیم نہیں مل رہی، آئی ٹی سیکٹر میں حکومت ترقی نہیں کر رہی، 10 ہزار بچوں کو کے پی میں آئی ٹی کورسز پڑھائے، اگر ہم ایسے کورسز دے سکتے ہیں تو حکومت کیوں نہیں دے سکتی۔
انہوں نے کہا کہ حکومت تعلیم پر توجہ نہیں دے رہی، حکومت سرکاری اسکولوں کا معیار برقرار نہیں رکھ رہی، ملک میں بری صورتحال ہے، ٹیکسز لگ رہے ہیں۔
