کوئٹہ: سکیورٹی فورسز نے بلوچستان میں فتنہ الہندوستان کے خلاف کامیاب آپریشن کرتے ہوئے 4 دہشت گردوں کو جہنم واصل کر دیا۔ ذرائع کے مطابق سکیورٹی فورسز کے مطابق پہرود میں کارروائی کے دوران فتنہ الہندوستان کا جھنڈا اور ہتھیار بھی برآمد ہوئے۔
ذرائع کے مطابق فتنہ الہندوستان کا نیٹ ورک حالیہ دنوں میں نہتے شہریوں، خواتین اور بچوں کو نشانہ بناتا رہا ہے، اور ان کی بزدلانہ کارروائیاں قومی سلامتی کے لیے ایک سنگین خطرہ بن چکی تھیں۔ علاقے میں کلیئرنس آپریشن جاری ہے، فتنہ الہندوستان کے دہشت گردوں اور ان کے سہولت کاروں کو نشان عبرت بنایا جائے گا۔
