لاہور: وزیراطلا عات پنجاب عظمی بخاری نے کہا ہے کہ علی امین ،بیرسٹر سیف کے کارناموں کا انجام اڈیالہ ہی نظر آرہا ہے،چار سال پنجاب میں کرپشن، نااہلی اور لوٹ مار کا سیاہ ترین دور تھا۔
بیرسٹر سیف کے بیان پر ردعمل دیتے ہوئے عظمی بخاری نے کہا کہ دانشور آڈٹ رپورٹ غور سے پڑھیں اس میں پی ٹی آئی قیادت کا کچا چٹھا ہے، جس آڈٹ رپورٹ کا یہ لوگ ڈھنڈورا پیٹ رہے وہ بزدار اور پرویز الٰہی دورکی ہے۔
انہوں نے کہا کہ آڈٹ رپورٹ کا صفحہ نمبر 87 اور صفحہ نمبر 96پڑھ لیں جس 10کھرب کا واویلا کیا جارہاہے وہ 2018ء سے 2023ء کی گندم خریداری اور سبسڈی کا ہے، 2018ء سے 2023ء تک پنجاب میں کس کی حکومت تھی پوری قوم جانتی ہے۔ انہوں نے کہا کہ چار سال پنجاب میں کرپشن، لوٹ مار کا سیاہ ترین دور تھا۔ انہوں نے کہا کہ علی امین اور بیرسٹر سیف کے کارناموں کا انجام بھی نیکسٹ سٹاپ اڈیالہ ہی نظر آرہا ہے۔
