اسلام آباد: الیکشن کمیشن نے سابق وزیراعظم شاہد خاقان عباسی کی جماعت عوام پاکستان پارٹی کو گھڑیال کا انتخابی نشان الاٹ کردیا۔ذرائع کے مطابق عوام پاکستان پارٹی نے انٹرا پارٹی انتخابات کے نتائج الیکشن کمیشن میں جمع کروائے تھے جسے الیکشن کمیشن نے تسلیم کرلیا ہے۔
شاہد خاقان عباسی کی جماعت کو الیکشن کمیشن کی جانب سے گھڑیال کا انتخابی نشان الاٹ کیا گیا ہے۔واضح رہے کہ 8فروری 2024ء کے الیکشن کے بعد6نئی سیاسی جماعتیں الیکشن کمیشن میں رجسٹرڈ ہوئیں جن میں بلوچستان قومی اتحاد، پاکستان عوامی قوت، پاکستان خدمت خلق لیگ، ٹیکنالوجی موومنٹ پاکستان اور پختونخواعوامی نیشنل پارٹی شامل ہیں ، 2025ء میں پہلی سیاسی جماعت عوام پاکستان پارٹی کو الیکشن کمیشن نے رجسٹرڈ کیا ہے جس کے بعد الیکشن کمیشن میں رجسٹرڈسیاسی جماعتوں کی تعداد 168ہوگئی ہے۔
